would enable you to enjoy an array of other services such as Member Rankings, User Groups, Own Posts & Profile, Exclusive Research, Live Chat Box etc.. 
Home
රටේ ණය බර පිලිබඳව කරුණු පහදමින් මුදල් අමාත්යාංශය විසින් ජනවාරි 26දා ප්රවෘතී නිවේදනයක් නිකුත් කරන ලදී
මෙම නිවේදනයේ මූලික අරමුණ මහින්ද රාජපක්ෂ සමයේ ගත් ණය නිසා රට ණය උගුලක පැටලී ඇතැයි යන යහපාලන රජයේ ප්රසිද්ධ සටන්පාඨයට සවියක් ලබා දීමය. ඒ සඳහා 2015 සිට 2020 දක්වා ලංකාව විසින් විදේශ රට වලට ගෙවිය යුතු ණය වාරික පහත අයුරින් පෙන්වා ඇත්තේ කියවන්නා තුල පසුගිය පාලනය ගැන අප්රසාදයක් ඇති කිරීමේ අරමුනෙනි.
2015 වසරේදී ගෙවූ මුදල........... රු.බි. 276
2016 වසරේදී ගෙවූ මුදල............ රු.බි. 269
2017 වසරේදී ගෙවිය යුතු මුදල රු.බි. 355
2018 වසරේදී ගෙවිය යුතු මුදල රු.බි. 377
2019 වසරේදී ගෙවිය යුතු මුදල රු.බි. 586
2020 වසරේදී ගෙවිය යුතු මුදල රු.බි. 509
මේ අනුව 2015 සිට 2020 දක්වා කාලය තුල ගෙවීමට සිදුවන මුදල රුපියල් බිලියන 2,372 කි. ප්රවෘතී නිවේදනය මගින් රාජපක්ෂ විසින් ගත් ණය දැඩි විවේචණයකට ලක් කර ඇති අතර 2019 ගෙවන්නට වන රුපියල් බිලියන 586 ඉතිහාසයේ ලංකව විසින් ගෙවනු ලබන විශාලතම ණය වාරිකයයි සඳහන් කර ඇත.
බැලූ බැලමට මෙය භයානක තත්වයකි.
නමුත් හොදින් විමසා බැලූ විට පෙනෙන චිත්රය මීට තරමක් වෙනස්ය.
මෙම වාර්තාවට අනුව 2015 හා 2016 තුල ගෙවා ඇති මුලු ණය මුදල රුපියල් බිලියන 545 කි ( 276 + 269).
නමුත් මහ බැංකු වෙබ් අඩවියේ හා මුදල් අමාත්යාංශ වෙබ් අඩවියේ දැක්වෙන දත්ත අනුව මෙම වසර දෙක තුල රජය රුපියල් බිලියන 2311 ක් පමන අලුතින් ණය ලබා ගෙන ඇත ( 2016 සැප්තැම්බර් දක්වා රුපියල් බිලියන 2,011 හා අවසාන කාර්තුවේ ඇස්තමේන්තුගත ණය රුපියල් බිලියන් 300 ක එකතුව ) .
මීට අමතරව යහපාලන රජය ණය ගෙවීමට යැයි කියමින් ඔවුන් මෙතෙක් ඉදිරිපත් කල අයවැය තුනේදීම ජනතාවට බදු වැඩි කලා ඔබට මතක ඇත.
ඇයවැය සමඟ ඉදිරිපත් කරනු ලබන රාජ්ය මුල්ය කලමණාකාර වාර්ථාවන්ට අනුව 2014 සිට 2017 දක්වා ඒ ඒ වසරවල රජය ඇස්තමේන්තුකල බදු ප්රමාණ්යන් මෙසේය.
වර්ශය 2014
බදු අදායම් රු බිලියන 1,050
වර්ශය 2015
බදු අදායම් රු බිලියන 1,356
වර්ශය 2016
බදු අදායම් රු බිලියන 1,432
වර්ශය 2017
බදු අදායම් රු බිලියන 1,821
මේ අනුව 2015 දි 2014ට වඩා වැඩිපුර රුපියල් බිලියන 306 ක් හා 2016දි 2014ට වඩා වැඩිපුර රුපියල් බිලියන382 ක් රජය බදු අයකර ඇත. මේ අනුව 2015-2016 කාලය තුල 2014ට සාපේක්ෂව ලැබු අමතර බදු ආදායම රුපියල් බිලියන 688කි.
එසේනම් අමතර බදු හා අලුත් ණය මගින් යහපාලන රජය 2015 2016 වසර දෙක තුල එකතු කල මුදල රුපියල් බිලියන 2,999 කි.
එම මුදලින් 2020 දක්වා ගෙවන්නට ඇති සියලු ණය ගෙවූවද තවත් රුපියල් බිලියන 627 ක් ඉතිරි විය යුතුය.
සුදු අලියෙකු කියා සමහරු කෑ මොර දෙන මත්තල ගුවන්තොටුපොල සාදන්නට වියදම් වූයේ රුපියල් බිලියන් 30ක් පමන මුදලකි. එසේ නම් මේ ඉතිරි මුදලින් තවත් එවැනි ගුවන් තොටුපොලවල් 20 ක් සෑදිය හැක.
මේ අනුව ඇසිය යුතු ප්රශ්ණයනම් වසර දෙකක් තුල මේසා විශාල මුදලක් එකතුකල වත්මන් රජයට තවමත් ණය බරක් ගැන කතා කිරීමට සාධාරණ අයිතියක් තිබෙන්වාද යන්නයි.
මීට අමතරව අනාගත පරපුර ඇසිය යුතු ප්රශ්ණය වන්නේ වසර දෙකක් තුල යහපාලන රජය ගත් රුපියල් බිලියන් 2311 හෙවත් කෝටි 231,100 ණය ගෙවන්නේ කවුද කියායි. 2017-2020 අප විසින් ගෙවිය යුතුයැයි ඔය කියන ණය වාරික තුල කෙතරම් මුදල යහපාලන් සමයේ ගත් ණයද ?
මහින්ද රාජපක්ෂ 2014 වනතෙක් ගත් ණය වල වාරික ගෙවීම් එන්න එන්න අඩුවෙන්වා මිස වසරින් වසරට වැඩි විය නොහැක. නමුත් මුදල් අමාත්යාංශ ප්රවෘති වාර්ථාවට අනුව ණය වාරික වසරින් වසරට ඉහල යයි. අනිවාර්යයෙන්ම මෙයට හෙතුව වත්මන් රජය විසින් පසුගිය වසර දෙක් තුල ගත් කෙටිකාලීණ ණයයි.
2014දී දල ජාතික නිශ්පාදිතයෙන් 70.7% වූ ණය බර අද 81% කි.
නිදහසින් පසු මේ රට පාලනය කල සියලු නායකයින් එක්ව 2014 වන විට මිලියන 20.9ක ජනතාවක් වෙසෙන මේ රටේ සෑම පුර වැසියෙකුම රුපියල් 353,630/- ලෝකයට ණය කොට තිබුණ අතර වසර දෙකකට පසු මෛත්රී /රනිල් පාලනය ම එම ණය බර රුපියල් 464,210 දක්වා ඉහල දමා ඇත. එය 2014 සාපෙක්ෂව 32% ක වැඩි වීමකි.
මේ සා මුදලක් එකතුකරගත යහපාලන රජය එම මුදලින් කල සංවර්ධයක් දක්නට නැත.
සංවර්ධයත් නොකරනවානම් හා ඉදිරියට ඇති ණය පියවන්නේත් නැතිනම් යහපාලකයින්ට මෙතරම් විශාල මුදලක් අවශ්ය වූයේ මන්ද ?
2017 අයවැය ලේඛනය අනුව 2015 හා 2016 වසරවලදී රාජ්ය වියදම 2014ට සාපෙක්ෂව රුපියල් බිලියන 195 කින් හා රුපියල් බිලියන 348 කින් ඉහල ගොස් ඇත. වසර දෙකක් තුල සම්පූර්ණ වැඩිවීම 543 කි.
සම්පූර්ණ රාජ්ය වියදම රුපියල් බිලියනවලින්
2014- 1338
2015 - 1533
2016 -1686
මින් පුනරාවර්තන වියදමේ වැඩිවීම රුපියල් බිලියන වලින් පහත ආකාර වේ.
2014 - 962
2015 - 1213
2016 -1308
මේ අනුව රජයේ පුනරාවර්තන වියදම 2014ට සාපෙක්ෂව රුපියල් බිලියන 251 කින් හා රුපියල් බිලියන 346 කින් ඉහල ගොස් ඇත. වසර දෙකක් තුල සම්පූර්ණ වැඩිවීම රුපියල් බිලියන 597 කි.
ගෙවන්නට ඇති ණය ඉහල යාමට එක් හේතුවක් නම් බලවතුන් විසින් යටගසාගෙන සිටින මහබැංකු හොරකම නිසා රටේ පොලී අනුපාතය ඉහල යාමයි. ඒ නිසා පමනක් පසුගිය වසර දෙක තුල රටේ සමස්ථ ණය ප්රමානය රුපියල් බිලියන 200 කට වැඩි ප්රමාණයකින් ඉහල යන්නට ඇත. ( මෙය ඇස්තමේන්තුවක් පමනි)
මේ අතර රුපියල අවප්රමාණය වීම නිසා වූ පාඩුවද රුපියල් බිලියන 385 ක් පමන වන්නට ඇත (මෙයද ඇස්තමේන්තුවක් පමනි) .
මේවාට ගල් අඟුරු මගඩිය , කරුන්කා මගඩිය, ඩියුටි ෆ්රී වාහන මගඩිය නිසා සිහිවූ පාඩුවත්, පොර්ට් සිටි ව්යාපෘතිය නතර කිරීම නිසා ගෙවන්නට වූ වන්දියද එක්කල යුතුය.
මේ සියලු කරුණු සලකා බලන කල වත්මන් රජයේ අසාර්ථක කලමනාකරණ හා වංචා දූෂණ නිසා රුපියල් බිලියන 1000 ක පමන මුදලක් වැඩි පුර අවශ්ය වූවා යැයි ගනන් බැලිය හැක. එහෙත් රජයේම වාර්ථා අනුව සංවර්ධන කටයුතු සඳහා යොදවන මුදල් ප්රමාණයේ වැඩිවීමක් දක්නට නොලැබෙන නිසා රජය මේ ආකාරයට දිගින් දිගටම ණය ලබා ගන්නේ කුමක් සඳහාද යන්න විශේෂ අවධානයකට යොමු විය යුතු කාරණයකි.
